پڕۆژەیەكی پەروەردەیە و هەوڵ ئەدات بۆ كردنەوەی دەلاقەیەك بۆ ناساندن و ئاشناكردنی پێغەمبەرمان (د.خ) و فەرموودەكانی بە قوتابیان و لاوان كە بناغە و كرۆكی گۆرانكاری و بنیادنانی كۆمەڵگەیەكی تەندروست و ساغڵەمن.
كە ئەم پڕۆژەیە وەكو هاندانێكە بۆ گەڕانەوەی مڕۆڤ بۆ سەرچاوەكانی بەختەوەری و سەركەوتن كە پابەندبوونە بە بەرنامە و رێچكەی مڕۆڤایەتی كەخوای گەورە لەڕێگەی پێغەمبەرانەوە بۆی ڕەوانە كردووین، وە باشترین سەرمەشق بۆمان پێغەمبەر موحەمەد ( دروودی خوای لەسەر بێت) ە، بیكەینە سەروەر و سەردارمان و بەدوای ووتە و فەرمایشتەكانی بكەوین.
ئەم پڕۆژەیە ئامانجیەتی گەنج و لاو پێغەمبەرمان وەكو ئەوەی لە قورئان وەسفكراوە و وەكو ئەوەی لە سیرە و فەرموودەكانی هەیە بناسرێت، گەنجانمان بە ناسینی پێغەمبەرمان ئاشت بكاتەوە.

ئەم پڕۆژەیە هەر ساڵێك بە شێوەیەك و لە ڕوو و دیدێكەوە پێغەمبەرمان ئەناسێنێتەوە ، هەوڵ ئەدات هەموو لایەن و بوارەكانی ژیانی پێغەمبەرمان (د.خ) بناسێنێت.
پێشتر پڕۆژەكە لە ڕێگەی ئاهەنگ و یادكردنەوەی پێغەمبەرمان خۆی ناساند بەڵام سوپاس بۆ خوای گەورە بۆ ساڵی شەشەمیەتی كە پڕۆژەكە بۆتە تاقیكردنەوەی سەرتاسەری و دابین كردنی چەندەها خەڵاتی جۆراوجۆر بۆ هاندانی بەشداربوان.